Наманган ФВБ ахборот хизматининг хабар беришича, вилоят Фавқулодда вазиятлар бўлимига соат 17-58да Давлатобод тумани “Нуробод“ МФЙ Қуқумбой шоҳ кўчасида жойлашган Масъулияти чекланган жамиятга қарашли АГТКШда “Damas” русумли автотранспорт воситаси ёнаётгани ҳақида хабар келиб тушган.
Келиб тушган хабарга асосан ёнғин қутқарув экипажи воқеа жойига тезкорлик билан етиб борган ва ёнғин соат 18:06да батамом ўчирилган.
Ёнғин натижасида “Damas” автомобили тўлиқ ёниб зарарланган.
Ёнғин оқибатида куйиб тан жароҳати олган ва вафот этганлар кузатилмаган.
