Навоий вилоятида Ўзбек тилига давлат тили мақоми берилганининг 34 йиллиги ҳамда 21 октябрь – Ўзбек тили байрами муносабати билан маънавий-маърифий, адабий-бадиий тадбирлар ташкил этилди.
Сана муносабати билан эрта вилоят ҳокимлиги, секторлар раҳбарлари, ташкилот, корхона ва муассасалар ходимлари, ижодкорлар, маънавият ва маърифат соҳаси фидойилари, талаба ва ўқувчи-ёшлар вилоят марказидаги истироҳат боғида қад ростлаган буюк мутафаккир Алишер Навоий ҳайкали пойига гулчамбарлар қўйишди.
Тадбирда таъкидланганидек, юртимизда ўзбек тилининг халқимиз ижтимоий ҳаётида ва халқаро миқёсдаги обрў-эътиборини тубдан ошириш, давлат тилини тўлақонли жорий этишни таъминлашга қаратилган қатор ишлар амалга оширилмоқда.
Тадбирнинг бадиий қисми вилоят Маънавият ва маърифат марказида давом этди
