Бу ҳақда Венесуэла Президенти Николас Мадуро ўзининг YouTube каналида намойиш этиладиган президент саройи олдидаги йиғилишда маълум қилди.
“Аввал Twitter деб номланган, Х ижтимоий тармоғи Илон Маскга тегишли. Ва у Twitterнинг барча қоидаларини бузди. У нафрат, фашизм, фуқаролар уруши, ўлим, венесуэлаликлар ўртасидаги қарама-қаршиликни қўзғатиб, Венесуэладаги барча қонунларни бузди. Венесуэлада эса қонун бор ва биз уни амалга оширмоқчимиз, шунинг учун мен илгари Twitter номи билан танилган Х ижтимоий тармоғини Венесуэлада 10 кун давомида ўчиришга қарор қилган Conatel, Миллий телекоммуникация комиссияси таклифини, улар ўзларининг кафолатларини тақдим этишлари учун имзоладим. Х Венесуэлани 10 кунга тарк этади”, деди Мадуро.
Венесуэлада президентлик сайлови 28 июль куни бўлиб ўтди ва Миллий сайлов кенгаши Николас Мадурони ғолиб деб эълон қилди. Эртаси куни мамлакатда ушбу сайлов натижаларига қарши норозилик намойишлари бўлиб ўтди, бунинг оқибатида Каракас ва бошқа шаҳарларда хавфсизлик кучлари ва намойишчилар ўртасида шиддатли тўқнашувлар бўлиб ўтди, 2 мингдан ортиқ одам ҳибсга олинди, деб хабар беради ria.ru.
