Польшада бўлиб ўтган президентлик сайловларида мухолифатдаги “Қонун ва адолат” партияси номзоди Кароль Навроцкий 50,9 фоиз овоз билан ғалаба қозонди, деб хабар бермоқда Польша телевидениеси барча бюллетенлар қайта саналганидан сўнг давлат сайлов комиссияси маълумотларига таяниб.
Ҳукмрон фуқаролик коалицияси номзоди Рафал Тшасковский 49,1 фоиз овоз тўплади.
Овоз беришнинг иккинчи босқичининг расмий натижалари яқин соатларда эълон қилиниши кутилмоқда.
Сайлов комиссиясига кўра, Навроцкий 10 606 628 та овоз тўплаган ва 15 воеводстводан олтитасида, асосан, шарқий Польшада ғалаба қозонган. Тшасковский 10 237 177 овоз олди ва мамлакатнинг бутун ғарбий ва марказий қисмларининг қўллаб-қувватлашига эришди.
Сайловчиларнинг 71,63 фоизи иштирок этди. 18 май куни бўлиб ўтган президентлик сайловларининг биринчи босқичида Тшасковский 31,36 фоиз, Навроцкий эса 29,54 фоиз овоз олган эди, деб хабар беради ria.ru.
