Делегация Озарбайжонда мамлакатимиз туризмини янада танитишга қаратилган бир қатор тадбирларни амалга оширди. Хусусан, озарбайжонликларга ва бу ердаги хорижий туристларга Ўзбекистоннинг туризм салоҳияти, мамлакатимиздаги кўзга кўринган туристик объектлар, Ўзбекистонга саёҳат қилишнинг афзалликлари, халқимизнинг меҳмондўстлиги ва бошқа жиҳатлар ҳақида маълумотлар берилди.
Бундан ташқари, Ўзбекистон номидан Озарбайжон аҳолиси ва хорижлик туристларга юртимиз туризм бренди акс этган кийимлар ва бошқа совғалар берилди.
Ҳозирда делегация Эронда бўлиб турибди. Ушбу давлатда ҳам Ўзбекистоннинг туризм борасидаги имкониятлари, афзалликлари, қулайликлари тарғиб этилгач, делегация навбатдаги манзил сари йўлга чиқади, деб хабар беради Туризм ва маданий мерос вазирлиги матбуот хизмати.
Маълумот учун, сафар 30 декабргача давом этади.
