Минтақа мамлакатлари ривожланишида инвестиция жозибадорлиги ҳал қилувчи роль ўйнаши қайд этилмоқда. Хусусан, сўнгги йилларда Ўзбекистон яхши натижаларни кўрсатди, 2019 йилда мамлакат тўғридан-тўғри хорижий инвестициялар оқимининг ўсиши бўйича етакчига айланди (2,3 бараварга ошди ва $4,2 миллиардни ташкил этди).

Шу билан бирга, коронакризис даврида тўпланган инвестициялар ўсиши кузатилган: 2021 йил 1 январь ҳолатига уларнинг миқдори 6,7%га ошди. Ялпи тўғридан-тўғри хорижий инвестициялар тушумида бўлгани каби, тўпланган хорижий инвестицияларнинг энг катта ўсиши Ўзбекистонда кузатилди — плюс 29,8%. Қозоғистонда ўсиш 3,6%ни, Тожикистонда 1,6%ни ташкил этди.