Мутахассис Ўзбекистонда боғча ёшидаги болалар учун яратилган шароитлар ҳақида сўзлаш жараёнида тумандаги 482-сонли боғчада кичкинтойларга қўшимча машғулотлар сифатида кулолчилик, зардўзлик сир-асрорлари ўргатиб борилишини кўриб, ниҳоятда ҳайратланганини яширмаган, деб хабар беради Мактабгача таълим вазирлиги матбуот хизмати.
«Жуда хушманзара боғча экан, таълим ҳам юқори стандартларда ташкил этилганига гувоҳ бўлдим. Ўзбекистонда кўрганларимни Ҳиндистонга борганимда раҳбариятимга айтиб, Ўзбекистон тажрибасини Ҳиндистонда ҳам татбиқ қилишни ўз олдимга мақсад қилдим», – деган хорижлик меҳмон.
