ТИВ раҳбарлари олий даражада бўлиб ўтадиган ташриф олдидан тайёргарлик масалаларини кўриб чиқдилар. Суҳбат чоғида Ўзбекистон ва Тожикистон ташқи ишлар вазирликлари икки мамлакат ўртасидаги яхши қўшничилик, стратегик шериклик ва иттифоқчилик муносабатларини янада мустаҳкамлашга барча имкониятларни йўналтираётгани алоҳида таъкидланди. Ҳамкорликни тобора ривожлантириш, савдо алоқаларини мустаҳкамлаш, барча йўналишлар бўйича мунтазам алмашинувларни таъминлаш устувор вазифалардан эканлиги қайд этилди, деб хабар беради Ташқи ишлар вазирлиги матбуот хизмати.