«Ипак йўли жамғармаси директорлар кенгаши раиси Цзюнь Чжу хонимга самимий қабул ва Ўзбекистонда қўшма лойиҳаларни амалга оширишга фаол қизиқиш билдиргани учун ўз миннатдорлигимизни билдирамиз, - деб ёзди Ўзбекистон ТИВ раҳбари ўзининг telegram каналида.
— Дарҳақиқат, кўпроқ сайёҳлик йўналишлари яратиш, "яшил" энергия ишлаб чиқаришни кенгайтириш, янада яхши инфратузилмани барпо этиш ва бошқа кўплаб йўналишлар нафақат мамлакатимиз равнақига хизмат қилади, балки бир-бирига боғловчи кўприк сифатида улкан минтақага ҳам фойда келтиради».
2014 йилда ташкил этилган Ипак йўли инвестиция жамғармаси Хитойнинг «Бир макон, бир йўл» ташаббуси доирасида инфратузилма лойиҳаларини қўллаб-қувватлайди ва савдо ҳамкорлигига кўмаклашади. Айни пайтда ушбу жамғарма мамлакатимизда йирик сармоявий лойиҳаларни амалга оширишда Ўзбекистон томони билан фаол ҳамкорлик қилмоқда.
