Ўзбекистон ва Венгрия ўртасидаги кўп қиррали стратегик шериклик кун тартиби янада бойиб бораётгани мамнуният билан қайд этилди. Учрашувда икки ва кўп томонлама ҳамкорлик, қатор соҳалардаги алоқаларни янада фаоллаштириш йўллари муҳокама этилди.

Музокаралар якунида вазирлар томонидан Ўзбекистон Республикаси Ҳукумати билан Венгрия Ҳукумати ўртасида қайта тикланувчи энергия манбаларини ривожлантириш соҳасида ҳамкорлик тўғрисида Англашув меморандуми ҳамда Ўзбекистон Республикаси Ташқи ишлар вазирлиги билан Венгрия Ташқи ишлар ва савдо вазирлиги ўртасида 2024-2026 йилларга мўлжалланган Ҳамкорлик дастури имзоланди, деб хабар беради Ташқи ишлар вазирлиги матбуот хизмати.