Озарбайжон мудофаа вазири генерал-полковник Зокир Ҳасанов меҳмонларни мамлакатга ташрифи билан қутлар экан, уларни Озарбайжонда кўришдан мамнунлигини билдириб, икки томонлама ҳарбий ҳамкорлик дўстлик ва қардошлик муносабатларига асосланганини таъкидлади.
Ўз навбатида Баҳодир Қурбонов Озарбайжонга ташрифидан мамнунлигини қайд этилиб, самимий қабул учун миннатдорлик билдирди ва яқинлашиб келаётган Ғалаба байрами билан табриклади.
Шунингдек, Озарбайжон ва Ўзбекистон ўртасидаги мудофаа соҳасидаги ҳамкорлик ҳар икки давлат армиясини янада мустаҳкамлашга хизмат қилаётгани алоҳида таъкидланди.
Учрашувда Ўзбекистон ва Озарбайжон ўртасидаги ҳарбий, ҳарбий-техникавий, ҳарбий-таълим ва бошқа соҳалардаги ҳамкорликни ривожлантириш истиқболлари, минтақавий хавфсизлик масалалари ҳамда томонларни қизиқтирган бошқа бир қатор масалалар муҳокама этилди.
Сўнгра икки мамлакат Мудофаа вазирликлари ўртасида 2023 йилга мўлжалланган икки томонлама ҳамкорлик режаси имзоланди, деб хабар беради Мудофаа вазирлиги матбуот хизмати.
