Ўзбекистонда республика Қизил китобига киритилган Бухоро тоғ қўйининг боласини табиатдан ноқонуний олиб чиққан икки нафар эркак қўлга олинди, деб хабар қилди Табиат ресурслари вазирлиги матбуот хизмати.
Табиат ресурслари вазирлиги Сурхондарё вилояти бошқармаси ходимлари, Сурхон давлат қўриқхонаси ва Давлат хавфсизлик хизмати Чегара қўшинлари ходимлари томонидан рейд ўтказилди.
Браконьерларга нисбатан 82-модда 1-қисми (Давлат қўриқхонаси режимини бузиш) бўйича маъмурий баённома тузилди. Қўй боласи ветеринария назорати остида қўриқхонага жойлаштирилди, дейилади mir24.tv сайтида.
Олий Мажлис Қонунчилик палатасининг навбатдаги мажлисида Қизил китобга киритилган камёб ва йўқолиб кетиш хавфи остида турган ўсимлик ва ҳайвонот турларини муҳофаза қилишни янада кучайтиришга қаратилган қонун лойиҳаси иккинчи ўқишда кўриб чиқилди.
