Фидойи ходимларга вазирликнинг ташаккурномаси ва эсдалик совғалари топширилди.
Тақдирланганларнинг барчаси маданият ва санъат соҳасида юртимизда олиб борилаётган ислоҳотлар ўз натижасини бераётганини алоҳида таъкидлади. Вазирнинг ташрифидан боши кўкка етганини ҳаяжон ва қувонч ёши билан ифода этди.
Журналистларга бундай эзгу ишлар барча ҳудудларга кўчиши ҳақида айтар экан, Маданият вазири «Биз бу ишларни камерага тушиш учун қилаётганимиз йўқ аслида, бироқ бугунги кун талабидан келиб чиқиб ижтимоий оламда фаолиятимиз билан таништириб боряпмиз», — деди.
86 ёшли Мая опа Усмоналиева ҳамон ўзи раҳбарлик қилган вилоятдаги 1-сонли Маданият уйи ҳамда соҳадан узилгани йўқ. Шу ёшда ҳам ёшларни руҳлантириб, турли тадбирларни ташкиллаштириб юрганини вазир алоҳида эътироф этди.
