Ўтган йилнинг ноябрь ойида Қозоғистоннинг икки вилоятининг полиция хизмати UzAuto Motors томонидан ишлаб чиқарилган Cobalt автомобилларини сотиб олгани ҳақида маълумот берган эдик.
Украинадаги Chevrolet оммавий сегментининг расмий дистрибютори бўлган «Ravon Motors Ukraine» миллий полиция фаолиятида қулайликлар яратиш учун Cobalt автомобилларини етказиб берди. Компания Украинанинг Киев области полиция бошқармаси томонидан Cobalt сотиб олишда автомобилларнинг қулай нархи ва сифат борасидаги устунлиги асосий омиллар бўлганини таъкидлади, деб хабар беради «Uzauto Motors» АЖ матбуот хизмати.
Украина Миллий полицияси ўз хизмат фаолиятида кўпгина турли автомобиль ишлаб чиқарувчиларнинг транспорт воситаларидан фойдаланади. Chevrolet Cobalt танлови ушбу автомобилнинг ўз сегментида юқори сифати ва ишончлилигининг яна бир тасдиғидир.
