Президент, ижод ва ихтисослаштирилган мактабларни ривожлантириш агентлиги тасарруфидаги ушбу мактабга Ўзбекистон Қахрамони, Ўзбекистон ва Қорақалпоғистон халқ шоири Ибройим Юсупов номи берилган бўлиб, ижодкор ўқувчиларни рағбатлантириш ҳамда қўллаб-қувватлаш борасида намуна кўрсатиб келмоқда.

Номзод Алишер Қодиров мактаб фаолияти билан танишар экан, бу масканда кўплаб Ўзбекистон Қаҳрамонлари етишиб чиқишига ишонч билдирди. Педагоглар ва ўқувчилар билан суҳбатлашди, уларга яратилган шароитларни ўрганди. Мактаб битирувчиларини олий таълимга қамрови ва ўқитувчиларнинг ютуқлари билан қизиқди.

Довуд АБИБУЛЛАЕВ,

ЎзА