Жамоат транспорти аҳолининг узоғини яқин қилиб, харажати ва вақтини тежайдиган муҳим ижтимоий хизмат туридир. Унинг аҳолига хизмат қилишидан ташқари тирбандликларни олдини олиш ва экологияга ҳам анча фойдаси бор.

Босқичма-босқич воҳамизга олиб келинаётган автобусларнинг навбатдаги 30 донаси бугундан фаолиятини бошлади. Уларнинг ичида 4 дона туристик автобуслар ҳам мавжуд бўлиб, ички туризмни ривожлантиришга, нуронийлар ва ёшларни саёҳатларини ташкил этишга хизмат қилади.

Старт бериш жараёнларида Қашқадарё вилояти ҳокими Муротжон Азимов, Қарши шаҳри ва тумани ҳокимлари ҳамда кенг жамоатчилик иштирок этди.