Бу ҳақда Қозоғистон Фавқулодда вазиятлар вазирлиги хабар берди.
“Корпорация Казахмыс” МЧЖга қарашли конда қидирув-қутқарув ишлари давомида еттинчи ходимнинг ҳам жасади топилди. Унинг шахси аниқланмоқда. Барча етти нафар ишчининг жасади ер юзасига кўтарилиб, суд-тиббий экспертиза ўтказиш учун полиция ходимларига топширилди”, дейилади хабарда.
17 февраль куни кечқурун “Казахмыс” компаниялар гуруҳи республиканинг Улитов вилоятидаги Жомарт конида тош массаси қулаши содир бўлгани, оқибатда 7 нафар ишчи вайроналар остида қолиб кетгани, улар билан алоқа узилиб қолгани ҳақида хабар берган эди. Кейинроқ қутқарувчилар вайроналар остидан олти кишининг жасадини топишди.
Қозоғистон ҳукумати воқеа сабабларини ўрганиш учун Бош вазир ўринбосари Канат Бозумбаев бошчилигида махсус комиссия тузилганини маълум қилди, деб хабар беради news.rambler.ru.
