Бу ҳақда "Дунё" АА хабар бермоқда.

Таъкидланишича, улар махсус қопламасиз йўлларга мўлжалланган электромобиль ва қўлда ясалган транспорт пойгасида илк хорижий иштирокчи сифатида қатнашиб, "Энг эътирофга сазовор" жамоа совринини қўлга киритдилар.

Шу ўринда таъкидлаш керакки, 2022 йилдан бошлаб ҳар йили "Норико-Гаккю" мактабининг 3 нафар ўқувчиси Майдзуру шаҳридаги Кинки касбий таълимни ривожлантириш коллежининг Киото кампусида ўз билимларини ошириб келмоқда. Икки йил давомида улар саноат технологиялари бўйича махсус билимларни эгаллаб, Японияда меҳнат фаолияти билан шуғулланиш орқали қимматли тажрибага эга бўляпти.

Ҳозир кунда ўзбекистонлик бундай ёшлар сони 6 нафарни ташкил қилади. Жорий йилнинг апрель ойидан яна 2 нафар ўқувчи тенгдошлари сафига бориб қўшилади.