Инвестициявий ҳамкорликни кенгайтириш чора-тадбирлари муҳокама этилди, янги лойиҳаларни биргаликда амалга ошириш истиқболлари кўриб чиқилди.
Мамлакатимизнинг тегишли вазирлик ва идоралари раҳбарлари ҳам иштирок этган конструктив музокараларда Ўзбекистонда амалга ошириладиган аниқ ташаббуслар шакллантирилиб, ҳар бир лойиҳа бўйича масъул ижрочилар белгилаб олинди.
Кун тартибига мувофиқ, “B2B” ва “G2B” музокаралари сессиялари ҳам бўлиб ўтди, унда томонлар эришилган келишувларни ҳаётга татбиқ этишнинг амалий жиҳатларини атрофлича муҳокама қилиш имконига эга бўлди, деб хабар беради Инвестициялар, саноат ва савдо вазирлиги матбуот хизмати.