Хабар берганимиздек, Сирдарё вилоятининг Ширин шаҳри ва Боёвут туманлари ҳудудида Саудия Арабистонининг «ACWA Power» компанияси томонидан қуввати 1 500 МВт бўлган замонавий иссиқлик электр станцияси қуриляпти.
Унда «Mitsubishi» компаниясининг дунёдаги энг замонавий ва энергия тежамкор газ турбиналари ўрнатиляпти.
Хусусан, Япониядан олиб келинаётган йирик энерго қурилмаларнинг иккинчи босқичи станция қурилиш майдонига етиб келди.
Станциянинг дастлабки қувватлари жорий йил июль ойида ишга туширилади, деб хабар беради Энергетика вазирлиги.
Шунингдек, хабар орқали 2022 йил декабрь ойида мазкур ИЭСда Япониядан олиб келинган биринчи газ турбинаси ўрнатилганлиги эслатилади.
