“Дунё“ ААнинг хабар беришича, мулоқот чоғида Ўзбекистон-Словения савдо-иқтисодий, инвестициявий алоқаларини кенгайтириш, мамлакатимиз банклари ва молия ташкилотлари билан тўғридан-тўғри шерикликни чуқурлаштиришнинг муҳимлиги қайд этилди.
Борут Ямникнинг айтишича, “SID Bank” Словениядаги ҳамкорлари орқали Ўзбекистонда фармацевтика, алоқа ва ахборот коммуникациялар соҳаларида лойиҳаларни амалга оширмоқда.
Учрашув натижасида “SID Bank” тараққиёт ва экспорт банки томонидан Ўзбекистон банклари учун махсус кредит линияларини очиш бўйича келишувга эришилди.
