Сурхондарё вилояти кўп тармоқли тиббиёт марказида кардиожарроҳлик бўлими иш бошлади. Бу ҳақда Соғлиқни сақлаш вазирлиги Матбуот хизмати маълум қилди.
Бу ердаги биринчи мураккаб амалиёт Республика ихтисослаштирилган кардиология илмий-амалий тиббиёт маркази Қарши филиалининг тиббиёт фанлари номзоди Адҳам Жалилов бошчилигидаги кардиохирурглар жамоаси билан ҳамкорликда ўтказилди.
"Шу тариқа вилоят тиббиёти тарихида илк бор ишлаб турган юракда аорта-коронар шунтлаш операцияси муваффақиятли бажарилди. Ҳозир беморнинг аҳволи қониқарли бўлиб, стандартлар асосида даво муолажалари давом эттирилмоқда", дейилади хабарда.
Бугун Сурхондарёда 74 та мактаб, 8 та боғча, 7 та тиббиёт муассасалари, 20 км узунликдаги 9 та йўл объекти, 1 та кўприк ва 3 та ирригация объектлари фойдаланишга топширилди.
Жорий йил 24 октябрда Сурхондарё вилоятининг Термиз туманидаги Ўзбекистон ва Афғонистон чегарасида ташкил этилган “Термиз халқаро савдо маркази” эркин савдо зонасида ҳудудий тармоқлараро саноат ярмаркаси бошланди.
