Тошкент метросида илк бор аёл электропоезд ҳайдовчилари пайдо бўлди, дея хабар беради Россиянинг "МИР" телеканали ўзининг видео лавҳасида.
Қайд этилишича, айни пайтда аёл машинистлар электропоездларни мураббийлари назорати остида бошқармоқда, Яқин келажакда эса улар таркибларни мустақил равишда бошқаришни бошлайди.
Аёл ҳайдовчилар гуруҳига биринчи танлов ўтган йили Президент топшириғи билан эълон қилинган эди. Танловдан метрополитеннинг турли тузилмаларида иш тажрибасига эга бўлганлар ўтди.
Суҳбат, тиббий комиссия ва психологик тест синовларидан сўнг 16 нафар ходим ишга қабул қилинди.
11 ой давомида қизлар жадал ўқитилди: поездлардан фойдаланиш қоидалари, уларнинг техник тузилиши, шунингдек, пневматик ускуналарнинг ишлаш тамойиллари ўрганилди.
