- Ўзбекистон -Россия саммити жуда бой кун тартиби ва амалий натижалари билан ажралиб турди. Анъанавий ҳамкорлар – Ўзбекистон ва Россия – ўз эътиборини келгусидаги стратегик шерикликнинг иқтисодий таркибий қисмига қаратмоқда. Буни қатор тадбирлар, шунингдек, икки давлат раҳбарларининг ўзлари раислик қилган Ўзбекистон ва Россия ҳудудлари кенгашининг биринчи йиғилишининг якунлари тасдиқлайди.

Россия делегацияси таркибида 30 га яқин ҳудудлар раҳбарлари ва етакчи саноат корхоналари ҳамда тадбиркорлик субъектларининг 300 га яқин вакилларининг ташрифи, шунингдек, Ўзбекистон вилоятлари ҳокимларининг мазкур тадбирда иштирок этиши инвестициявий, савдо-иқтисодий ҳамкорликни янада чуқурлаштиришга хизмат қилади.

Таъкидланганидек, Ўзбекистон ва Россия ўртасидаги қўшма лойиҳаларнинг умумий портфели 45 миллиард доллардан ошди, яна 20 миллиард долларга янги ҳамкорлик лойиҳалари бўйича келишувларга эришилди. Бу эса жорий ўзаро ҳамкорликни янада кенгайтириш учун катта салоҳият мавжудлигини англатади.

Бу ҳақдаги фикрини Жианг Лан «Дунё» АА учун интервьюсида маълум қилди.