Brand Analytics Ўзбекистонда ижтимоий тармоқларнинг фаол аудиторияси (муаллифлар) бўйича 2024 йил октябрь ойи тадқиқот натижаларини тақдим этди. Такидланишича, тадқиқотда ижтимоий тармоқлар жамоатчилик мулоқот воситаси сифатида ва жамоатчилик фикрини шакллантиришдаги таъсири ўрганилгани учун диққат асосан фаол (ёзаётган) аудиторияга қаратилган.
Шунингдек, тадқиқотда ижтимоий тармоқларда энг кўп ҳавола қилинган онлайн ОАВ рейтингини ҳам тақдим этди. Рўйхатда Ўзбекистондаги ҳозирда фаолият олиб бораётган энг фаол 20 ОАВ санаб ўтилган. Таъкидланишича, иқтибос олиш кўрсаткичи ОАВ қанчалик машҳурлигини ва уларнинг ўқувчилар учун қанчалик қизиқарли эканини кўрсатади.
Масалан, октябрь ойида yuz.uz сайтидан 8 836 маротаба иқтибос келтирилган ва тақдим этилган рейтингда 6-ўринни эгаллади.
Мазкур рейтинг ижтимоий тармоқларда ОАВ материалларига берилган ҳаволалар сони асосида шакллантирилган. Унда етакчиликни Kun.uz (54 334 иқтибос) сақлаб қолган бўлса, Lex.uz (18 547) ва ЎзА (15 628) ҳам юқори ўринларни эгаллаган.
"Янги Ўзбекистон"нинг юқори ўринларда қайд этилиши мамлакатда ушбу нашрга бўлган қизиқиш ортиб бораётгани ва унинг ижтимоий тармоқлардаги таъсири ошаётганини кўрсатади.