Амалиёт давомида талабалар Сежонг университети илмий ходимлари ва профессорлари томонидан ташкил этилган тренингларда иштирок этиши, юқори технологияларга асосланган лабораториянинг моддий техник базаси билан танишиши, замонавий ускуна ҳамда жиҳозлардан фойдаланиши ҳамда лаборатория техника хавфсизлиги курсини ўрганиши кўзда тутилган.

Шунингдек, университет ходимлари Сежонг университети вице-президенти билан учрашишди.

Учрашувда қуйидаги йўналишларда ҳамкорлик қилиш муҳокама қилинди:

талабалар алмашинуви дастурини амалга ошириш, келгусида "double degree" тизимини йўлга қўйиш, университетнинг ёш ўқитувчи-профессорлари малакасини ошириш орқали уларни юқори илмий унвон олишларида кўмаклашиш, "nano science", "business management" ва "computer engineering" каби таълим йўналишларида ўқув дастурлари ҳамда унга оид бошқа ҳужжатларни ишлаб чиқиш ва такомиллаштириш, университетнинг замонавий кампусини ташкил этиш юзасидан тажриба алмашиш.

Муҳокама этилган ҳамкорлик йўналишари бўйича тез орада тегишли келишув имзолашни келишиб олинди.

Эслатиб ўтамиз, Сежонг университети ''Times higher education'' рейтингида топ 300 ликка киради.