Бу ҳақда вилоят тиббиёт идоралари баёнотида айтилади.
“Биз жами 39 нафар беморга ёрдам кўрсатдик, уларнинг барчаси полициячилардир. Улардан 27 нафари шифохонага ётқизилди, 12 нафарига воқеа жойида ёрдам кўрсатилди”, дейилади хабарда. Мерсисайд полициясининг маълум қилишича, саккиз нафар полициячи жиддий жароҳат олди.
Бир неча юзлаб тартибсизлик иштирокичилари, асосан ўта ўнгчи English Defence League тарафдорлари маҳаллий масжидга тош отиб, озиқ-овқат дўконларига зарар етказди. Хабарларга кўра, намойишчилар полиция микроавтобусига ўт қўйиб, ҳуқуқ-тартибот ходимларига шиша ва петардалар билан ҳужум қилди.
29 июль куни Саутпортда америкалик эстрада хонандаси Тейлор Свифт мавзусида ёга ва рақс бўйича гуруҳ машғулотларида 17 ёшли ўсмир болаларни пичоқлади. Уэльснинг Кардифф шаҳрида туғилган шахс дарҳол қўлга олинди. The Times нашрининг ёзишича, гумонланувчининг ота-онасининг ўртоғи унинг оиласи Руандадаги геноциддан қутулиш учун Буюк Британияга қочиб кетганини айтди.
Олти, етти ва тўққиз ёшли уч қиз ҳужум қурбонига айланди. Саккиз нафар бола жароҳатланди, улардан беш нафарининг аҳволи оғир. Бундан ташқари, ёга ўқитувчиси ва машғулотлар ўтказиладиган бинонинг ходими жиддий жароҳат олди, деб хабар беради tass.ru.
