Туризм ҳамжамияти вакиллари, оммавий ахборот воситалари, тадбиркорлар ва бошқалар Ўзбекистонга саёҳат бўйича янги маҳсулотлар ва фойдали таклифлар билан танишдилар. Тадбир давомида Uzbekistan Airways миллий авиакомпанияси вакиллари парвоз дастури ҳамда нафақат ишбилармонлик алоқаларини яхшилайдиган, балки Ўзбекистонга сайёҳлар оқимини сезиларли даражада оширадиган гуруҳли банд қилиш имкониятлари ва фойдали таклифлар ҳақида айтиб бердилар, деб хабар беради Туризм қўмитаси матбуот хизмати.

Ўтган йили ноябрь ойида Туризм қўмитаси, Asiluxe Travel туроператори ва Uzbekistan Airways миллий авиакомпанияси томонидан ташкил этилган биринчи тадбир натижасида, Дубайдан Ўзбекистонга сайёҳларни жалб этишда сезиларли даражадаги ютуқларга эришилди. Байрам кунлари ва баҳор мавсумида 25 дан ортиқ гуруҳли сафарлар ташкиллаштирилди, бу эса ўзбек маданияти ва тарихига бўлган қизиқиш ўсаётганлигининг исботидир.