“Ҳа, бу ҳали ҳам мумкин”, деди Байден CBS телеканалига берган интервьюсида, журналистнинг муддати тугашидан олдин Ғазода ўт очишни тўхтатиш мумкинми деган саволига жавоб берар экан.

Америка раҳбарининг фикрича, “унинг БМТ Хавфсизлик Кенгаши томонидан қўллаб-қувватланган режаси ҳали ҳам муҳим аҳамиятга эга”.

Байденнинг айтишича, унинг жамоаси “вазият минтақавий урушга айланмаслиги” учун ҳаракат қилмоқда.

Байден 31 май куни уч босқичли ўт очишни тўхтатиш режасини эълон қилди ва у Исроил таклифи эканини таъкидлади. Хулоса қилиб айтганда, бу режа Исроилнинг бутун Ғазодан чиқиб кетиши, гаровга олинган ва қўлга олинганларнинг ўзаро озод этилиши, кўчирилган фаластинликларнинг Ғазога қайтиши, инсонпарварлик ёрдамларининг узлуксиз ва етарли даражада етказилиши, Ғазони қайта қуриш кабилардан иборат эди.

Кейинчалик Нетаняху маҳбусларни алмашиш бўйича музокаралар бўйича янги шартларни илгари сурди. Бу шартлар орасида “жанубдан шимолга қуролланган фаластинликларнинг қайтишига йўл қўймаслик ва Исроил армиясини Ғазо сектори ва Миср ўртасидаги чегарадаги Филадельфия коридорида ушлаб туриш”ни ўз ичига олади.

8 август куни эълон қилинган қўшма баёнотда АҚШ, Миср ва Қатар Исроил ва ҲАМАСни 15 август куни Ғазода ўт очишни тўхтатиш ва маҳбуслар алмашинуви бўйича Қоҳира ёки Доҳада музокараларни давом эттиришга чақирди, деб хабар беради aa.com.tr.