Ёшлар ишлари агентлиги томонидан ўтказиладиган “Билим учун 100 миллион” олимпиадасининг бу йилги мавсуми онлайн босқичида қарийб 120 минг ўзбекистонлик иштирок этди.

Онлайн босқичда энг юқори ўринни қайд этган ТОП-100 иштирокчи ўртасида 12 декабрь куни олимпиаданинг иккинчи босқичи — финал ўтказилди.

Финалда Жаҳонгир Тўраев энг юқори баллни тўплаб, биринчи ўринни қўлга киритди ва 100 миллион сўм пул мукофоти билан тақдирланди. Шунингдек, 99 нафар финал иштирокчисининг барчасига 1 миллион сўмдан мукофот берилди.