Муҳокама икки томонлама ҳамкорликни чуқурлаштириш ва темир йўл транспорти соҳасидаги келажакдаги лойиҳаларни самарали илгари суриш истиқболларига қаратилган бўлиб, икки томон ўртасидаги ҳамкорликнинг янги тўлқини бўлди.
“Ўзбекистон темир йўллари” АЖ бошқаруви раисининг биринчи ўринбосари Х.Рахметов ва “CRRC Corporation Limited” бошқаруви раиси Сун Ёнгаи раислигида темир йўл транспортини модернизация қилиш бўйича стратегик қадамлар муҳокама этилди. Мутахассислар муҳим жиҳатларни, жумладан, электровозларни модернизация қилиш ва ишлаб чиқаришни маҳаллийлаштиришни муҳокама қилдилар, деб хабар беради “Ўзбекистон темир йўллари” АЖ матбуот хизмати.
Маълумот учун, CRRC юқори тезликдаги электр поездлари, юқори қувватли локомотивлар, юк ва йўловчи вагонлари ва шаҳар темир йўл транспорти воситалари каби маҳсулотларни ишлаб чиқаради. Ҳозирги вақтда CRRC маҳсулотлари тахминан 100 та мамлакатга экспорт қилиняпти.
