Бу ҳақда Франция ички ишлар вазирлиги хабар берди.

Президент Эммануэль Макроннинг “Биргаликда” либерал-марказий кучлар коалицияси иккинчи ўринни эгаллади. У парламент қуйи палатасида 168 ўринга эга бўлади. Марин Ле Пеннинг ўнг қанот “Миллий бирлашиш” партияси учинчи натижани кўрсатди. У 143 та депутатлик ўрнини қўлга киритди.

Бунгача Франция бош вазири Габриэль Атталь 8 июль куни истеъфога чиқишини маълум қилганди. У зарур бўлган вақтгача ҳукумат раҳбари лавозимида ишлашга тайёр эканлигини таъкидлади.

7 июль куни “Миллий бирлашиш” партияси етакчиси Жордан Барделла фракция Франция парламентига бўлиб ўтган сайловларда депутатлар сонини икки баробарга ошириб, тарихий ютуқни амалга оширганини айтди.

Шунингдек, Франциядаги навбатдан ташқари парламент сайловларининг иккинчи босқичи натижаларига кўра, сиёсий блокларнинг ҳеч бири мутлақ кўпчилик 289 ўринни қўлга кирита олмагани маълум бўлди, деб хабар беради gazeta.ru.