Ўтказилган назорат тадбирида Жиззах шаҳри «А.Навоий» МФЙда жойлашган «В.» ташкилоти биносида газ таъминоти ташкилоти билан шартнома тузмасдан тармоққа уланиб, табиий газдан ноқонуний фойдаланиб келинганлиги аниқланди.

Ушбу қоидабузарлик натижасида дастлабки ҳисоб-китобларга кўра газ таъминоти корхонасига 247,7 миллион сўмлик зарар етказганлиги маълум бўлди.

Бу каби ҳолат Жиззах шаҳридаги «Олмазор» МФЙ биносида ҳам кузатилиб, газ тармоғига ҳисоблагичсиз тўғридан тўғри уланиб, 198,5 млн сўмлик табиий газдан ноқонуний фойдаланилганлиги аниқланди.

Ҳозирда юқоридаги ҳолатлар юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилган.