Халқаро семинар-тренингнинг очилиш маросимида Ислом цивилизацияси маркази директори Ш.Миноваров, Малайзия ислом санати музейи директори ўринбосари Рашида Салим, Малайзия ташқи ишлар вазирлиги вакили Камалия Будеянтилар сўзга чиқди.
Улар икки мамлакат ўртасида барча соҳаларда ҳамкорлик ривожланиб бораётганини қайд қилиб, мақсадлари муштарак бўлган икки муаасасанинг тажриба алмашиш ва мутахассислар малакасини ошириш йўналишидаги мақсад ва вазифаларга хизмат қилувчи ушбу семинар тренинг иштирокчиларини қутладилар.
Дастлабки назарий ва амалий машғулотлар “Доимий-турғун экспозиция ҳамда вақтинчалик махсус экспозицияларни ташкил этиш босқичлари” тўғрисида бўлиб ўтмоқда.
Тадбир Ўзбекистон ва Малайзия Ташқи ишлар вазирликларининг, хусусан ҳар икки мамлакат элчихоналарининг фаол ёрдамлари билан ташкил қилинган.
