Дўстона муҳитда ўтган мулоқотда Ш. Умурзоқов тадбиркорлик фаолиятини кенгайтириш ва янги лойиҳаларни амалга ошириш учун янада қулай шароитларни яратиш, тадбиркорликни ривожлантиришга тўсиқ бўлаётган муаммоларни бартараф этиш, инвесторлар учун қулай муҳит ташкил этиш бўйича кенг кўламли ишлар қилинаётганлигини таъкидлади. Пойтахтимизда амалга оширилаётган ва режалаштирилаётган йирик лойиҳалар ҳақида батафсил сўзлаб берди.

Учрашувда Энрико Пинали берилган тўлиқ маълумот учун миннатдорлик билдирди.

Томонлар ўзаро ҳамкорлик истиқбол ва йўналишларини батафсил муҳокама қилиш ва мулоқотни давом эттиришга келишиб олдилар, деб хабар беради Тошкент шаҳар ҳокимлиги матбуот хизмати.