Ушбу турда Ўзбекистон вакили Нодирбек Абдусатторов АҚШ вакили Фабиано Каруана билан тўқнаш келди. Қора доналарда ҳаракат қилган Абдусатторов 19-юришдан сўнг бошланган такрорий комбинациялар туфайли 23-юришда рақиби билан дурангга рози бўлди.

Бугун, 11 май куни ўтказиладиган 5-турда Нодирбек Абдусатторов оқ доналарда мезбон шахматчи — руминиялик Богдан-Даниэл Дякка қарши дона суради.

5-тур олдидан турнир жадвалига назар ташлайдиган бўлсак, Фабиано Каруана 2,5 очко билан қўшимча кўрсаткичлар асосида етакчилик қилмоқда. Нодирбек Абдусатторов эса 1,5 очко билан 9-ўринда бормоқда.

Эслатиб ўтамиз, 9 турдан иборат ушбу нуфузли мусобақа 16 майга қадар давом этади. Ғолиб шахматчи 100 минг АҚШ доллари билан тақдирланади.