Бухоро вилоятининг Вобкент туманида яшовчи фуқаро Қ.З. ўз уйида “явански макака“ турига мансуб маймунни ноқонуний сақлаётгани аниқланди.
Қайд этилишича, Экология бошқармаси ва ИИБ ходимлари томонидан ҳайвон, Сомонийлар боғида жойлашган ҳайвонот боғига вақтинча сақлаш учун топширилди.
Қонунбузарлик юзасидан фуқаро Қ.З.га нисбатан Ўзбекистон Республикаси Маъмурий жавобгарлик тўғрисидаги кодексининг 92-модда прим-1 1-қисми билан баённома расмийлаштирилиб, ҳужжатлар суд органларига тақдим этилди.
2025 йилдан ҳар 2 йилда 1 марта сентябрь–ноябрь ойларида Бухоро шаҳрида халқаро замонавий санъат биенналеси ўтказиб борилади. Биринчи Биеннале 2025 йил 5 сентябрь – 20 ноябрь кунлари юқори савияда ўтказилади.
Ёнғин оқибатида кўп қаватли уйнинг кириш эшиги ва йўлаклари ёнғин тутуни билан қопланганлиги сабабли 1-2-3-қаватлардаги хонадонлардан 9 нафар фуқаро ФВВ қутқарувчилари томонидан зудлик билан эвакуация қилинган.
Ижтимоий тармоқларда Бухоро вилояти Ғиждувон туманидаги 53-давлат мактабгача таълим ташкилоти тарбиячисининг болалар билан қўпол муносабатда бўлгани ҳақида хабарлар тарқалди. Ҳолат бўйича вилоят мактабгача ва мактаб таълими бошқармаси маълумот берди.
Ижтимоий тармоқларда Бухоро вилояти ҳокими Ботир Зарипов Бухоро шаҳридаги боғча ҳудудида жойлашган ноқонуний қурилган биноларни масъулларга керак бўлса ичидаги одамлари билан бузиб ташлашни буюргани ҳақида хабарлар тарқалиб жамоатчилик муҳокамаларга сабаб бўлди. Ҳолат юзасидан вилоят ҳокимлиги тушунтириш берди.
