Қайд этилишича, “Тошкент-Аэро“ Ихтисослаштирилган божхона комплексининг Контрабандага қарши курашиш шуъбаси ходимлари томонидан ўтказилган тезкор тадбир давомида, Абу-Дабидан учиб келган фуқарода тахминий қиймати 610 млн сўмлик, 226 грамм оғирликдаги заргарлик буюмлари борлиги аниқланди.
Ушбу фуқаро “Тошкент Халқаро Аэропорти“нинг ташқарисида шу рейс билан учиб келган йўловчилардан ўзига тегишли бўлган заргарлик буюмларини йиғиб олиб, автотранспорт воситасига жойлаб кетаётган вақтида тезкор ходимлар томонидан тўхтатиб қолинган.
Мазкур ҳолат юзасидан терговга қадар суриштирув ҳаракатлари олиб борилмоқда.
