Учрашувда ТИВ раҳбари Ўзбекистон Президенти Шавкат Мирзиёев Жаноби Олийларининг Кувайт Давлати Амири Шайх Мишъал ас-Сабоҳ Аъло Ҳазратлари ва Валиаҳди Шайх Сабоҳ ас-Сабоҳ Ҳазрати Олийларига энг самимий саломларини етказди.
Шунингдек учрашувда минтақаларимиз ўртасидаги кўп қиррали ҳамкорликни янада чуқурлаштириш масаласида очиқ ва самарали фикр алмашилди.
Кувайтнинг минтақавий ташаббусларимизни қўллаб-қувватлашини юқори баҳолаймиз. Шу билан бирга халқаро ва минтақавий масалаларда ҳамкорликни кучайтиришга бўлган умумий интилишимизни яна бир бор тасдиқладик. Ўзаро ҳурмат, ишонч ва муштарак қадриятларга асосланган Ўзбекистон – Кувайт муносабатларини янги босқичга олиб чиқиш сари барча имкониятларимизни ишлатамиз, — деб ёзади Бахтиёр Саидов ўзининг Телеграм каналида.
