Қирғизистон Божхона хизмати раисининг маълум қилишича, энди чегарани кесиб ўтиш учун ҳайдовчилар ўзига қулай вақтни танлаб, мобил телефон орқали электрон навбатга тура олади.
Бундай тизим дастлаб Қизил-Қиядаги назорат-ўтказиш пунктида синов тариқасида жорий этилган бўлиб, лойиҳа яхши натижаларни кўрсатган, назорат-ўтказиш пунктининг ўтказиш қобилияти бир неча баробар ошган.
Қирғизистон Божхона хизмати раисининг қўшимча қилишича, кейинчалик мазкур лойиҳа барча назорат-ўтказиш пунктларида кенгайтирилади. Ҳозирда қирғиз-қозоқ чегарасида электрон навбатни жорий этиш масаласи ишлаб чиқилмоқда.
Маълумот учун, “Дўстлик” назорат-ўтказиш пункти энг гавжумларидан бири ҳисобланиб, у Ўш вилоятида, Қирғизистон ва Ўзбекистон чегарасида жойлашган.
