АҚШ ҳақиқий банкротликка яқинлашмоқда. Бу фикрни миллиардер Илон Маск билдирди.
“Америка чинакам банкротлик томон жуда тез ҳаракат қилмоқда”, деб ёзди у ўзининг Х саҳифасида.
Маск бизнесмен Вивек Рамасвами билан биргаликда АҚШнинг сайланган президенти Дональд Трамп маъмуриятида ҳукумат самарадорлигини ошириш бўйича янги департаментга раҳбарлик қилиши кутилмоқда.
15 ноябрь куни АҚШ давлат қарзи тарихда биринчи марта 36 триллион доллардан ошди. АҚШ Конгресси Бюджет бошқармасининг прогнозларига кўра, 2034 йилда мамлакатнинг давлат қарзи 50 триллион доллардан ошади (ялпи ички маҳсулотнинг 122 фоизи). Бошқарма 2029 йилдан 2034 йилгача ялпи ички маҳсулотнинг ўртача йиллик ўсишини 1,8 фоизга баҳоламоқда, деб хабар беради tass.ru.
