Бу ҳақда Қирғизистон Фавқулодда вазиятлар вазирлиги хабар бермоқда.
Унга кўра, Иссиқ-Кўл туманининг Булан-Соготту, Корумду ва Темир қишлоқлари, шунингдек, “Иссиқ-Кўл Аврора”, “Аврора+”, “Нептун”, “Симирам”, “Карвен 4 сезона” пансионатлари сел туфайли зарар кўрди.
Табиий офат оқибатларини бартараф этишда Фавқулодда вазиятлар вазирлиги ходимлари, фуқаро муҳофазаси хизматлари ва маҳаллий аҳоли иштирок этмоқда. 18 августдан Иссиқ-Кўл ва Тўн туманларида фавқулодда ҳолат жорий этилди.
Сел оқибатида Иссиқ-Кўл вилоятининг айрим йўлларида транспорт ҳаракати чекланди, деб хабар беради eadaily.com.
