Тадбир доирасида Инвестициялар, саноат ва савдо вазири Лазиз Кудратов Европа бизнеси ассоциацияси, SUEZ, Roche xolding, KONE корпорацияси, Metso корпорацияси, Elematic, Telko, Wartsila корпорацияси ва бошқа компаниялар раҳбарлари билан учрашди.
Музокаралар чоғида қўшма лойиҳалар ва янги ташаббусларни ҳаётга татбиқ этишнинг амалий жиҳатлари муҳокама этилди. Шу билан бирга, хорижий компанияларнинг технологик, сармоявий ва ишлаб чиқариш салоҳиятидан фойдаланиш заруратидан келиб чиқиб, ҳамкорликнинг янги йўналишларини чуқурроқ ўрганиш ва истиқболли лойиҳаларни амалга оширишга Европа бизнесини жалб этиш бўйича чора-тадбирлар келишиб олинди, деб хабар беради Инвестициялар, саноат ва савдо вазирлиги матбуот хизмати.
