Бахтсиз ҳодиса Лабатлан ва Байот шаҳарлари ўртасида содир бўлган. Skoda Fabia пойга машинаси сирпаниш оқибатида бошқарувни йўқотиб, катта тезликда томошабинлар устига бориб урилган.
Воқеа жойига саккизта тез ёрдам машинаси ва тўртта қутқарув вертолёти етиб келган, бироқ тўрт кишининг ҳаётини сақлаб қолишнинг имкони бўлмаган. Саккиз нафар томошабин, жумладан, бир бола турли даражадаги жароҳатлар билан касалхонага ётқизилган, деб хабар беради rsport.ria.ru.