Циан шаҳрида бўлиб ўтган “Хитой-Марказий Осиё” саммити доирасида эришилган келишувларни амалга ошириш мақсадида “Zhejiang Union of Railway Logistics“ компанияси, ”Ўзбекистон темир йўллари“ АЖ ва ГП ”НК “Қирғиз темир йўли” ҳамкорлигида Ланчжоу станциясидан Тошкентга 30 та контейнердан иборат блок поезди ҳаракати йўлга қўйилди.
Жорий йилнинг 9 июнь куни Хитойнинг Шинжон вилояти Қашқар шаҳрида “Хитой-Қирғизстон-Ўзбекистон” мультимодал транспорт йўлагининг расмий очилиш маросими бўлиб ўтди.
Тадбирда Шинжон автоном райони савдо департаменти ҳамда Қашқар шаҳри ҳокимияти раҳбарлари иштирок этдилар. “Хитой-Қирғизстон-Ўзбекистон” мультимодал транспорт йўлаги бўйлаб юк ташишни рағбатлантириш мақсадида синов поезди ҳаракатига старт берилди.
Таркибида қуёш панеллари, механик жиҳозлар, матолар ва бошқа юклар бўлган умумий қиймати 2,5 млн АҚШ долларини ташкил этувчи юк поезди Хитойнинг Ланчжоу шаҳридан Тошкентга 15 кунда етиб келиши белгиланган.
