Бу ҳақда Xinhua агентлиги маълум қилди.
Молиялаштириш Молия вазирлиги ва Фавқулодда вазиятлар вазирликлари орқали амалга оширилади. Худди шундай мақсадлар учун ажратилган аввалги ёрдам пакети 346 миллион юан (тахминан 48,7 миллион доллар) эди.
Ушбу маблағлар жабрланган ҳудудларда ёғингарчилик оқибатида юзага келган сув тошқини ва кўчки оқибатларини бартараф этишга йўналтирилади. Гап биринчи навбатда шарқий Чжэцзян, Аньхой, Фуцзянь ва Цзянси вилоятлари, марказий Хубэй вилояти, Гуйчжоу вилояти, шунингдек Гуандун вилояти ва Гуанси-Чжуан автоном райони ҳақида бормоқда. Ушбу ҳудудларда қидирув-қутқарув ишлари, жабрланганларни эвакуация қилиш, талафот етган инфратузилмани таъмирлаш ишлари давом этмоқда.
Охирги бир неча ҳафта ичида ёғингарчиликлар асосан Хитойнинг шарқий ва жанубий ҳудудларида кўплаб аҳоли пунктларига жиддий зарар етказди. Бир неча ўнлаб қурбонлар ҳақида хабар берилди. Кучли ёмғир туфайли мамлакатнинг айрим ҳудудларида ҳанузгача хавфнинг энг юқори даражаси сақланиб қолмоқда, деб хабар беради report.az.
