Фармойишга мувофиқ, шаҳар ва туманлар ҳокимларига 1 кун муддатда лавозимга тайинланган ҳоким ёрдамчилари билан меҳнат муносабатларига киришиш бўйича тегишли ҳужжатларни расмийлаштириш вазифасини амалга оширади.
Янги тизимга кўра тайинланган ҳоким ёрдамчиларининг ойлик иш ҳақи миқдорлари ва шарт-шароитлар давлатимиз раҳбарининг 2021 йил 3 декабрда қабул қилинган «Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари фаолиятини ташкил этиш чора-тадбирлари тўғрисида»ги қарорида белгиланган тартибда шакллантирилади.
Эслатиб ўтамиз, ҳоким ёрдамчилари маҳалладаги ишсиз аҳолини иш билан таъминлаш, тадбиркорликни ривожлантириш, республика вакиллари билан биргаликда ўзига бириктирилган маҳаллани ривожлантириш бўйича 2022 йилга мўлжалланган «Йўл харитаси»ни ишлаб чиқиб, ижроси таъминлаши каби вазифаларни амалга ошириши кўзда тутилган, деб хабар беради Навоий вилояти ҳокимлиги матбуот хизмати.
