Жорий йил 24 апрель куни Тошкент шаҳрида Ўзбекистон Республикаси Бош вазири А.Н.Арипов ва Қирғиз Республикаси Вазирлар Маҳкамаси раисининг ўринбосари — Давлат миллий хавфсизлик қўмитаси раиси Қ.Қ.Тошиев раислигида ўзбек-қирғиз Давлат чегарасини делимитация ва демаркация қилиш масалалари бўйича Ўзбекистон Республикаси ва Қирғизистон Республикаси Ҳукуматлари делегацияларининг навбатдаги қўшма йиғилиши бўлиб ўтди.
Бугун Хива шаҳрида “II Туркий дунё маданияти форуми” ҳамда “Янги Ўзбекистонда бахшичилик санъати: замонавий тадқиқотлар ва истиқболлар” мавзусидаги халқаро илмий-амалий анжуман ўз ишини бошлади.
Куни кеча муборак Рамазон ойи муносабати билан ташкил этилган ифторлик маросимида қатнашдик. Мамлакатимиз ҳудудлари бўйлаб ёзилган эҳсон дастурхони атрофида жам бўлган минглаб юртдошларимиз иштирокидаги улкан саховат, бағрикенглик, меҳрли сиёсат издиҳомида Президентимиз сўзлаган нутқ мазмун-моҳияти барчамизга маънавий қувват ва руҳий озиқ берди.
Бугун миллий давлатчилигимиз тарихий тажрибаси асосида цивилизация ривожига улкан ҳисса қўшган буюк аждодларимизнинг илмий-маданий меросини ўз ичига олган инсонпарвар демократик давлат, очиқ ва адолатли жамият — янги Ўзбекистон барпо этилмоқда.
